ErrE

Dauden streaming plataformek sistema betikotzen dutelako ErrE
Itxi den basoan argirik sartzen ez delako ErrE
Musikarien osasuna musikazaleen poza delako ErrE
Luberritzea beharrezkoa delako ErrE
Bidezidorra kolektiboki eginez errepide bihur daitekeelako ErrE
Musikazalearen sua musikariaren indarra delako ErrE
Komunitatea erraustu ez dadin ErrE

Ezin gara geldirik egon. Aski da.
Bidea egin nahi dugu eta bideagarria den proiektu bat garatu.

Ez gara enpresa bat, ez dugu diru-laguntzen arabera funtzionatu nahi.
Irabazi asmorik gabeko elkarte bat sortu dugu eta auzolanean hasi gara.

Komunitatean sinesten dugu eta uste dugu gaur egungo ereduek
ez diotela mesede egiten musikari, musikariari eta musikazaleari.

Horretarako, fase ezberdinak landuko ditugu. Zure laguntzarekin.

Lehen fasean aliatuak behar ditugu, musikari eta kolektiboen atxikimenduak.
Proiektuan parte hartu nahi baduzu idatzi gurekin@erre.eus helbidera.

Bigarren fasean, entzulearendako plataforma edo sistema bat irekiko dugu,
non musikazaleak aukera izanen duen musikariak modu zuzenean
(sustengu-zuzeneko-sistema) lagundu eta komunitatearen parte izateko.

Web zein aplikazio bidez funtzionatuko duen plataforma bat sortu dugu.
Teknologia libre ezberdinak aztertzen ari gara eta bandcampen filosofiatik hurbil,
baina Spotify/Tidal/Qobuz eta hauen itxurarekin, publizitaterik gabea,
irabazi asmorik gabea eta denon artean kudeatua.

Kudeaketa deszentralizatu bat nahi dugu,
non musikariek kudeatu ahalko duten haien musika eta baldintzak.
Has gaitezen.

Hasieran ERREn parte-hartzea mugatua izanen da: gonbidapen bidezkoa.

1) Tresnak testatu eta hobetzeko.
2) Progresiboki hazten joan dadin, honek duen eragina eta sortzen duen lan-karga baloratzeko.
3) Sustengu Zuzeneko Sistema: komunitatean sartzeko gonbidapenak zuzeneko zirkuituetan banatuko dira, taldeen mertx-aren truke zein bestelako laguntza sistemetatik.

Bestelako lanetarako ere, parte hartzeko gogoa baduzu,
ez izan zalantzarik eta jarri harremanetan gurekin.

Zer eskaintzen dizu ERREk entzule gisa?

— Musika kalitate onean aditu, iragarkirik gabe, publizitate algoritmorik gabe.
— Artisten lan osoa: albumak, zuzenekoak, maketak, esperimentuak ( artistak nahi duena ) entzuteko aukera.
— Komunitate baten parte: erabakiak elkarrekin .
— Gonbidapen sistema: erreproduktorera sarrera, zuzenekoetan erositako disko eta mertxanaren truk.

Hasierako fasean, sarbidea gonbidapen bidezkoa izanen da —zuzeneko kontzertuetan, taldeen mertx-aren truke - edo komunitatearen bazkide eginda lortuko da sarbidea.

Zer eskaintzen dizu ERREk kolektibo gisa?

— Errek musika komunitatea saretu eta indartzea du helburu. Zure kezka eta beharrei irtenbide bat emateko aukera sortzea elkarrekin.
— Kolektibo gisa bertze elkarteekin harremana sustatu. Modu estruktural batean izan daitezkeen errealitate desberdinak ezagutu eta arazo eta egoera desberdinei soluzioak emanteko leku bat da ERRE .
— Elkarrekin gehiago garelako.

Webgunearen titularra

Webgune honen titularra ErrE kultur elkartea da, irabazi asmorik gabeko elkarte moduan antolatua.
Harremanetarako: gurekin@erre.eus

Webgunearen erabilera

Webgune honetara sartzeak erabiltzaile izaera ematen du, eta hemen jasotako baldintzak onartzea dakar.
ErrEk ez du bere gain hartzen webgunean ager daitezkeen akatsen edo edukien erabileraren erantzukizunik.

Cookieak

Webgune honek ez du cookierik erabiltzen erabiltzaileen jarraipena egiteko, ez publizitaterako, ezta analitika komertzialerako ere.
Zerbitzariaren funtzionamendu teknikorako beharrezkoak diren saio-cookie teknikoak erabil daitezke soilik.

Datu pertsonalen babesa

Formularioen bidez jasotako datuak (izena, emaila edo bidalitako informazioa) komunitatearekin harremana kudeatzeko eta erabiltzailearen eskaerei erantzuteko baino ez dira erabiliko.
Datu horiek ez dira hirugarrenei lagako, ez salduko, ezta bestelako helburuetarako erabiliko ere.

Erabiltzaileak bere datuak eskuratu, zuzendu edo ezabatzeko eskubidea du. Horretarako, idatzi: gurekin@erre.eus
Tratamendua Europako Datu Babeserako Araudi Orokorraren (RGPD/GDPR) arabera egiten da.

Jabetza intelektuala

Webguneko diseinuaren, testuen eta elementu grafikoen eskubideak ErrErenak dira, kontrakoa adierazi ezean.
Musikarien, taldeen edo kolaboratzaileen lanen eskubideak haien egileei dagozkie beti.

Kanpo estekak

Webgune honek hirugarrenen webguneetarako estekak izan ditzake. ErrEk ez du kanpo edukien gaineko kontrolik eta ez du horien erantzukizunik hartzen.